[center]عليج ابجي ابحزن مظلومــة يابغداد----------------- ونــــــه الجان الفرح بعيوني يتوازه
لان شفتج وطن يحضن ضحايا الخوف --------------- وهسه اجنازة صـــرتي ابلايه جنازه
ضريح وحضرة اشوفج من بعد لواجيت -------------- وذب همـــي علة بــابج ساعة العازه
لان صـــوتج اذآن وضحكتج تسبـــيح ---------------- ودمــوعج خرز بس رايده طــــرازه
واذا مــــر الفرح يم بابج انتي ابيوم ---------------- لبــــــس ثـــــوب الحرير وشكك البازه
العـــراق ابلا خدر لو رحتي يــا بغداد -------------- وشله ابهودج ترف لو راحــــت اعزازه
عواصــــم بالركض تستقبل الاعياد ---------------- وانـــــتي العيد اجاج وابيدة عكـــازه
ولان دربج صعب مو سهله عل يمشيه --------------- وينــــــعد بالالف لــــو واحد اجتـــــازه
لذلـــــــــك قررت كل الدول فــد راي ------------ وجتمـــــــعت سوه ونصبت سواترهه
الحقيقـــه ابلا جــدل ما رادو يشوفون -------------- بغـــــــــداد ابشرف والثوب ساترهـــــه
وخطية المستحة حط اعلة وجهه الليل -------------- لان شــــــــاف العرب نكرت ضمايرهه
دلــــولج حضن ويعزب انتي الضيف ---------------- ودلــــــــول العرب صــارت خناجرهــه
العـــرب بغداد يمكن حاولو ينسون ---------------- لو غيـــــرة وحقد ترست دفاترهـــــــه
امس كلهه اعلة بابج جدت ابماعون ---------------- وامــس يذكر امس والماضي حاضرهــه
وامس يمج اجت من ذكرو التاريخ ---------------- اجت رادت قصيدة اتهز مشاعرهـــــــه
لان تدري الادب واليكتب التاريــــخ --------------- اذا بغـــــــداد مـــاتت مات شاعرهــــــه
وجت بس المغول وحضرت وعبوات ---------------- ويـــــم بــــاب المدارس فجرت شرهــه
تخاف من الكـــــتب لابيهه نقره الدار ------------- ويتـــــحول وطــــن والشــــدة نعبرهــــــه
وتخاف اترد صدك منصوره يا بغداد ---------------- وعلـــــه وجوه العرب تسحك حوافرهـه
خالد العلمي[/center]
الأربعاء أبريل 30, 2008 1:19 pm